Ağcabədidə yol qəzasında iki nəfər ölüb.
APA xəbər verir ki, rayonun Hindarx qəsəbəsində hərəkətdə olan Cəfər Allahverdiyevin idarə etdiyi “04 T 954” dövlət nömrə nişanlı traktor qarşıdan gələn “BMW” markalı “35 BX 876” dövlət nömrə nişanlı minik avtomobili ilə toqquşub.
Nəticədə “BMW”-nin sürücüsü Hindarx sakini Quliyev Sadiq Vahid oğlu və sərnişini rayon sakini Məmmədov Loğman İlqar oğlu hadisə yerində həyatını itirib.
Faktla bağlı araşdırma aparılır.
