ABŞ Rusiyadakı vətəndaşlarına təcili çağırış etdi

ABŞ öz vətəndaşlarını dərhal Rusiyanı tərk etməyə çağırıb.

AZXEBER.COM Türkiyə mediasına istinadən xəbər verir ki, ABŞ Dövlət Departamentindən verilən açıqlamada Rusiyanın Ukraynaya hücumlarının ölkədə təhlükəni və gərginliyi yüksək dərəcədə artırdığı vurğulanıb.

Bəyanatda Rusiyaya səyahət etməyi düşünən Amerika vətəndaşlarına səyahət etməmək, bu ölkədəki ABŞ vətəndaşlarına isə dərhal Rusiyanı tərk etmələri tövsiyə edilib.

Qeyd edək ki, ABŞ rəhbərliyi fevralın 28-də verdiyi bəyanatda bu ölkədəki vətəndaşlarını ölkəni tərk etməyə çağırıb və ABŞ-ın Moskvadakı səfirliyinin əməkdaşlarının da ölkəni tərk edə biləcəyini bildirib.