13 yaşlı oğlanın meyiti tapılıb

Şabran rayonu, Çayqaraqaşlı kəndi yaxınlığında dənizdə, ən yaxın sularda xilasetmə məntəqəsindən təqribən 30 km aralı, nəzarətsiz ərazidə 1 nəfər batıb.

Hadisə ilə bağlı məlumat verildikdən sonra axtarışlara Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri cəlb olunub.

Boğulan yeniyetmənin meyiti tapılıb. Dənizdə batan Şabran rayonun Pirəbədil Kənd sakini, 13 yaşlı Dəmirov Elmir Əlizaman oğludur. Yeniyetmə ailəsi ilə birlikdə istirahət zamanı Şabran rayonu, Çayqaraqaşlı kəndi yaxınlığında dənizdə çimərkən boğulub.
Elmir Dəmirovun meyiti bu gün səhər saatlarında aşkarlanaraq aidiyyəti üzrə təhvil verilib.