TƏBİB həyəcan təbili çalır

Son günlər Azərbaycanda yoluxma və bununla əlaqədar ölüm hallarının artması epidemioloji vəziyyətlə bağlı narahatlıq yaradır. Hazırda ölkəmizdə virusa yoluxanların 94 faizində "Delta” ştammı aşkarlanıb. Azərbaycanda vaksin olunanlar arasında cəmi 0,6% yoluxma müşahidə olunur, vəziyyəti ağırlaşıb süni tənəffüs aparatına qoşulan xəstələrin 97%-i, koronavirusdan vəfat edənlərin 99%-i vaksin olunmayanlardır.

Bu göstəricilər vaksinasiyanın indiki şəraitdə yeganə çıxış yolu olduğunu təsdiqləyir.

Mütəxəssislər deyr ki, də xəstələrin xəstəxanaya gec müraciət etməsi müalicəni gedişatına mənfi təsi göstərir. Bəzən xəstələr 10-15 gün tənginəfəslik, boğulma hiss edir, amma xəstəxanaya müraciət etməkdən çəkinirlər və gecikmiş formada gəlirlər. Bu da ölüm riskini daha da artırır.

Belə təhlükəli vəziyyətdə vətəndaşların vaksinasiya prosesinə daha fəal cəlb olunması çox vacibdir. Peyvəndlənmə yeni növ koronavirusdan ölüm hallarının qarşısını almaq üçün əsas çıxış yolu hesab olunur.

Bununla yanaşı, qapalı məkanlarda maskadan istifadə, ara məsafənin saxlanmasının, gigiyenik qaydalara riayət edilməsi zəruridir.