Xaçmazda xurma yığımına başlanıldı

Artıq bir neçə gündür Xaçmazın xurma bağlarında məhsul yığımına başlanılıb. Cari ildə məhsuldarlıq boldur. Lakin yay aylarında hava şəraitinin həddindən artıq quraq keçməsi, eyni zamanda suvarma suyu ilə bağlı yaşanan problem məhsulun keyfiyyətinə birbaşa təsir edib. Belə ki, məhsul istənilən kefiyyətdə deyil buda təbii ki onun qiymətinə təsir edir.

Fermerlərin sözlərinə ötən illə müqayisədə bu il məhsuldarlıq iki dəfə artıqdır. Belə ki, ötən hər hektardan 8-10 ton məhsul yığılıb, cari ildə isə bu rəqəm 15-20 ton təşkil edir.

Xurma bol olsada qiyməti aşağıdır. Belə ki, ötən il kq-ı 40-50 qəpiyə satılan məhsulsun qiyməti indi 20-30 qəpikdir. Fermerlər bunu cari ildə xurmanın bol olması ilə izah edirlər. Digər tərəfdən suvarma suyu ilə bağlı yaşanan problem də məhsulun keyfiyətinə və qiymətinə təsirini göstərib.

Onu da qeyd edək ki, rayonda yetişdirilən xurmanın 80-90 faizi satış üçün Rusiya bazarına göndərilir. Hazırda Xaçmazda 1158 hektar xurma bağı mövcuddur. Bu sahələrin 1085 hektarı barverən bağlardır. Ötən il bağlardan ümumilikdə 8100 ton məhsul toplanılıb. Cari ildə isə mıhsuldarlığın 10-15 faiz artıq olacağı proqnozlaşdırılır.