Şanlı Ordumuzun gücü

Bu gün Azərbaycan Silahlı Qüvvələrin yaranması günüdür. İlk dəfədir ki, Ordu gününə qalib ölkə kimi qədəm qoyuruq. Azərbaycan 2020-ci ildə qazandığı Qələbə ilə Ordusunun gücünü dünyaya bəyan etdi və tarixə həkk olundu.

Azərbaycan Silahlı Qüvvələrin müasir silah-sursat, döyüş texnikası ilə təchizatı, şəxsi heyətin bacarığı qələbənin qazanlmasında böyük üstünlüklər qazandırdı.

Döyüş tapşırıqlarını və xidməti vəzifələrini ləyaqətlə yerinə yetirən Azərbaycan əsgərinin döyüş meydanında göstərdiyi cəsarət, fədakarlıq və qətiyyəti sayəsində işğal altında torpaqlarımız azad olundu və Azərbaycanın ərazi bütövlüyü təmin olundu. Xüsusilə də Vətən müharibəsində aparıalan döyüş taktikası ilə Azərbaycan dünya dövlətlərinə örnək oldu.

Hansıki Ali Baş Komandanımız İlham Əliyevin əzmi sayəsində Ordumuzun, döyüşçülərimizin qəhrəmanlığını gələcək nəsillər kitablardan, dərsliklərdən oxuyub öyrənəcəklər.

Bu baxımdan Azərbaycan Ordusunun inkişaf etmiş ölkələrin orduları sırasında 50-ci yerdə qərarlaşması təsadüfi deyil. Zəfər bayramında da Azərbaycanın döyüşlərdə istifadə etdiyi müasir texnikalar dünyaya bəyan edildi.

Azərbaycan Silahlı Qüvvələri öz gücü ilə Vətən müharibəsində tarix yazdı. Azərbaycan xalqının, dövlətinin və əsgərinin birlikdə qazandığı böyük qələbə uzun illər ordu quruculuğu istiqamətində aparılan islahatların nəticəsi idi.