Prezident İlham Əliyev bu idmançılara ev verdi

Bu gün Milli Olimpiya Komitəsində 2017-ci ilin idman yekunlarına həsr olunan mərasim keçirilib.
Prezident İlham Əliyev və birinci xanım, Milli Olimpiya Komitəsinin İcraiyyə Komitəsinin üzvü Mehriban Əliyeva mərasimdə iştirak ediblər.
Mərasimdə 2017-ci ildə yüksək nailiyyətlər qazanan idmançılara və idman mütəxəssislərinə mükafatlar təqdim olunub.
Prezident İlham Əliyev 2017-ci ildə yüksək nailiyyətlər göstərmiş idmançıların bir qrupuna və idman mütəxəssislərinə yeni mənzillərin orderlərini təqdim edib.
Mənzil alan idmançılar arasında K-1 döyüş növü üzrə bir neçə nüfuzlu turnirlərin qalibi olan Zabit Səmədov və cüdo üzrə Avropa və Dünya çempionatlarının mükafatçısı Hidayət Heydərov var.
A.H.
www.oxu.az