İsmayillida bayramlar qeyd olundu

Dünya Azərbaycanlılarının Həmrəylik Günü və Yeni il bayramı böyük sevinc və ruh yüksəkliyi ilə qeyd olunur. İsmayıllı rayon ictimaiyyətinin, əmək kollektivlərinin, gənclərin, iştirak etdiyi tədbirdə çıxış edən rayon icra hakimiyyətinin başçısı Mirdaməd Sadıqov ismayıllıları əlamətdar bayramlar münasibətilə təbrik edib, 2017-ci ildə qazanılan uğurlardan danışıb. Tədbirin sonunda rayonun fəal gəncləri,müxtəlif sahələrdə uğur qazanmış idmançılar, müəllimlər qiymətli hədiyyələr və fəxri fərmanlarla təltif ediliblər. Sonda tədbir rayon mədəniyyət evinin hazırladığı konsert proqramı ilə davam edib.