Dərsliklər məktəblərə təhvil verilib

2019-2020-ci tədris ilində dövlət ümumtəhsil məktəblərində təhsil alan şagirdlərin istifadəsinə veriləcək dərsliklərin məktəblərə çatdırılması artıq yekunlaşıb.

REAL xəbər verir ki,Təhsil nazirliyindən bildiriblər ki,şagirdlərdən və onların valideynlərindən sentyabrın 6-dək müvafiq ümumtəhsil məktəbinə müraciət edərək dərslikləri əldə etmələri xahiş olunur.Bu,tədris ili başlananadək şagirdlərin həm bütün dərsliklərlə təmin edilməsinə həm də məzmunla tanış olmalarına imkan verəcək. Hər hansı səbəbdən dərsliklərlə təminatda çətinliklər yaranarsa da, bu barədə məktəb rəhbərliyinə məlumat verilməlidir.

Şagird və valideynlərin nəzərinə o da çatdırılır ki, mövcud qaydalara görə dərsliklərdən istifadə müddəti dörd ildir və yalnız istifadə müddətini başa vurmuş dərsliklər yeniləri ilə əvəz olunur. 2019-2020-ci tədris ilində şagirdlərin istifadəsinə veriləcək dərsliklər əsasən əvvəlki illərdə istifadə olunmuş, yalnız bir hissəsi isə 2019-cu ildə çap olunmuş dərsliklərdir.