“Azərenerji”dən Zəfər Günü ilə bağlı - video

İşğaldan azad edilmiş ərazilərin Azərbaycanın ümumi enerji sisteminə qoşulması, dayanıqlı və fasiləsiz elektrik enerjisi ilə təmin edilməsi istiqamətində aparılan işlər nəticəsində, Qarabağ və Şərqi Zəngəzurun bütün rayonlarında enerji obyektləri tikilib və yüksək gərginlikli xətlər çəkilib.

Bu barədə “Qafqazinfo”ya “Azərenerji” ASC-dən bildirilib.

Qeyd olunub ki, bir ildən az vaxt ərzində Laçındakı “Güləbird” SES, Tərtərdəki «Suqovuşan-1», «Suqovuşan-2» KSES-lər yenidən qurulub. Bundan başqa Qarabağ və Şərqi Zəngəzurda 110/35/10 kV-luq 9 yarımstansiya – “ŞUŞA”, “FÜZULİ”, “KƏLBƏCƏR”, “CƏBRAYIL”, “ZƏNGİLAN”, “QUBADLI”, “AĞDAM-1”, “AĞDAM-2” tikilib və “ŞÜKÜRBƏYLİ” yarımstansiyası genişləndirilərək tam yenidən qurulub.

“Azərenerji” ASC tikilərək Prezident İlham Əliyev və birinci xanım Mehriban Əliyevanın iştirakı ilə istismara verilən obyektlər barədə video çarx paylaşıb. Həmin videonu təqdim edirik: