Avropa İttifaqının ədalətsiz qərarı

Bu yaxınlarda Aİ-nın Ermənistana ayırdığı yardım paketinin məbləği 2,6 milyard, Azərbaycana isə 140 milyon ABŞ dollardır. İtaliyanın “İl Sole 24 Ore” qəzetinə müsahibəsində prezident İlham Əliyev jurnalistin sualını cavablandırarkən bildirib ki, bu, Azərbaycan əhalisi üçün xoşagəlməz sürpriz oldu və fərq təqribən 20 dəfədir.

30 il işğalda qalan, dağıdılıb yerlə yeksan edilən Azərbaycan ərazilərinin vəziyyəti göz önündədir. Azrbaycan ərazilərinin bu illər ərzində dağıntılara məruz qalmasına baxmayaraq, dövlət başçısı hesab edir ki, heç olmasa, Ermənistana ayrılan maliyyə yardımının məbləği Azərbaycanla eyni olmalıdır. Politoloqlar da hesab edir ki, bu dağıntıların, maddi ziyanın fonunda Aİ-nın Azərbaycanı 140 milyon dollarla necə deyərlər, yola verməsi ədalətsizlikdir.

Siyasətçilər hesab edir ki, Azərbaycanın regionda yaratdığı reallıqları Avropa da görməlidir. Çünki BMT-nın qətnamələrini öz gücünə həll edən Azərbaycanın bölgədə atdığı müsbət addımlardan dünya ölkələri də yararlanacaq.

REAL