Akrobat hündürlükdən yerə yıxıldı - Sirkdə bədbəxt hadisə

Avstraliyanın Adelaida şəhərində sirkdə bədbəxt hadisə baş verib. “Qafqazinfo” “Daily Mail”ə istinadən xəbər verir ki, akrobatik hərəkətlər yerinə yetirən 28 yaşlı sirk ustası Qabriella Suza gözlənilmədən hündürlükdən yerə yıxılıb.



Tamaşaçılar əvvəlcə bunun şouya daxil olduğunu düşünüb. Sirk əməkdaşlarının səhnəyə atılmasından sonra isə hər şeyin nə dərəcədə ciddi olduğu məlum olub. Tamaşaçılardan məkanı tərk etmələri xahiş olunub.



Dərhal xəstəxanaya çatdırlan Qabriella xəsarət aldığı nahiyələrindən əməliyyat olunub. Hazırda onun vəziyyəti yaxşıdır. Akrobat böyük həvəslə sağalıb yenidən sirkə dönəcəyi günü gözləyir.