Tolikin başına iş gəldi

“Heç vaxt efirimdə öz problemimdən danışmamışam. Bilənlər bilir ki, 6 il Xırdalanda yaşamışam. İndiyə kimi də orada evim var. Amma 6 ildən çoxdur ki, o mənzildə yaşamıram. Boş evdir. O gün evimə baş çəkmişəm və “Azərişıq” ASC tərəfindən mənə 45 manat 13 qəpik borc yazılıb”.



Bu sözləri aparıcı və prodüser Tarix Əliyevin (Tolik) deyib.



O, efirdə başına gələn hadisəni ictimailəşdirib:

“Yaşamadığım evdə, yəni suyundan, işığından istifadə etmədiyim evdə bu hal başıma gəlib. Maksimum 2 aydan bir qadınlar oranı yığışdırırlar. Bu da bir manatlıq işıq yaza bilər. Üç gün unutmuşam kondisioner yanıq vəziyyətdə qalıb, 5 manat pul yazıb. Siz necə yaşamadığım evə 45 manat 13 qəpik işıq pulu yaza bilərsiniz?

Amma mən yaşamadığım evə niyə 45 manat 13 qəpik pul ödəməliyəm? Hansı əsasla?

Düzdür, mən bu borcu, pulu ödədim. İşığın kəsiləcəyi ilə bağlı mənə xəbərdarlıq da göndərmisiniz. Mənə indi söyləyiblər ki, qonşular görəndə ki, boş evdə heç kəs yaşamır, bu zaman enerji xəttini həmin evə qoşurlar. Bu problem ilə ilk dəfədir ki, rastlaşdım. Canlı efirə edilən zənglərdən məlum oldu ki, bu problemlə üzləşən abonentlər çoxdur. Düşünürəm ki, Azəri İşıq ASC monitorinq keçirməli, bu sahədə yaranan problemlərlə yaxından tanış olmalıdır”.