Parça bazarında qiymətlər

Son illər parça alıb istədikləri dəbdə paltar tikdirənlərin sayı artıb.





Xezerxeber.az-ın məlumatına görə, parça satışı ilə məşğul olanlar deyir ki, son 2-3 ildir ki, parça bazarında canlanma müşahidə edilir. Təlabat çox olduğundan satıcılar da cürbəcür parçalar gətirib satmağa üstünlük verirlər.





Parçalar daha çox Türkiyə, Birləşmiş Ərəb Əmirlikləri və Çindən gətirilir. Qiymətlər isə parçanın materialından və işləməsindən asılıdır.





Ən çox tələbat olan materialların qiyməti 8-20 manat arasındadır.





Alıcılar da, dərzilər də bildirir ki, parça alıb paltar tikdirmək daha sərfəlidir.





Qeyd edək ki, əvvəllər tikilmə paltarlara daha çox qadınlar müraciət edirdisə, son vaxtlar kişilərin də sayı az deyil.