Bakıda vəhşi quş tutulub

Bakıda qartal cinsinə aid olan vəhşi quş tapılıb.





Xezerxeber.az-ın məlumatına görə, Bakı sakini Elvin Həsənov iki gün əvvəl Sabunçu rayonu, Bakıxanov qəsəbəsi ərazisində quzğun tapıb. Həmin vaxt quşun qanadı sınıq olduğu üçün onu tutmaq çox da çətin olmayıb.



Elvin Həsənov deyir ki, quşu tutmaqda məqsədi onun sağalmasına kömək etmək olub.





Quşun saxlandığı əraziyə Ekologiya və Təbii Sərvətlər Nazirliyinin nümayəndəsi gəlib və quzğun ona təhvil verilib. Quş tam sağaldıqdan sonra təbiətə buraxılacaq.





Ekologiya və Təbii Sərvətlər Nazirliyindən bildirilib ki, bu cür hallarla qarşılaşan sakinlərdən nazirliyin 168 nömrəli qaynar xəttinə zəng vurmaları xahiş olunur.





Xezerxeber.az mövzu ilə bağlı daha ətraflı videomaterialı təqdim edir: