Şəhriyarın “tay-brek“ ümidi

Riqada şahmat üzrə “Grand Prix 2019” seriyasının ikinci mərhələsi davam edir. Yarışda 1/4 final mərhələsinin cavab oyunları təşkil olunub.



Şahmatçımız Şəhriyar Məmmədyarov polşalı Kriştof Duda ilə münasibətləri aydınlaşdırıb. Tərəflər 39-cu gedişdə sülh bağlayıblar. Qrossmeysterlərin ilk oyunu da heç-heçə ilə yekunlaşdığından, tərəflər qalibi müəyyənləşdirmək üçün tay-brekdə üz-üzə gələcəklər.



Xatırladaq ki, şahmatçımız 1/8 finalda rusiyalı Daniel Dubovu məğlub edib.



1/4 finalın digər oyunlarına gəlincə. İlk görüşdə Veselin Topalovu mat qoyan Maksim Vaşe-Laqrav heç-heçə sayəsində mərhələ adlayıb. Sergey Karyakin Uesli So, Aleksandr Qrişuk Yu Yanqi ilə sülh bağlayıb.



Son 2 cütün qalibi də tay-brekdə müəyyənləşəcək