“Şah“ın süqutu davam edir

Xorvatiyada “Grand Chess Tour 2019” seriyasının ikinci mərhələsi başa çatmaq üzrədir.



Paytaxt Zaqrebdə reallaşan şahmat yarışının 8-ci turunda qrossmeysterimiz Şəhriyar Məmmədyarov hollandiyalı Aniş Qiri ilə üz-üzə gəlib. Şahının toxunulmazlığını qoruya bilməyən təmsilçimiz, məğlubiyyətlə barışıb.



Beləliklə, 8 oyunun 5-də sülh bağlayıb, 3-də uduzan Məmmədyarov aktivindəki 2 xal yarımla Hikaru Nakamurayla birgə 11-ci 12-ci yerləri bölüşür.



Şahmatçımız 9-cu turda hindistanlı Vişvanatan Anandla münasibətləri aydınlaşdıracaq.