Şamaxıda ağır qəza: 6 yaralı var

Şamaxı rayonunda ağır yol-nəqliyyat hadisəsi baş verib. APA TV-nin yerli bürosunun məlumatına görə, hadisə iyulun 17-də axşam saat 19:00 radələrində Şamaxı-Göylər yolunda qeydə alınıb.

"QAZ 3110" və "VAZ 21015" markalı minik avtomobillərinin toqquşması nəticəsində Şamaxı və Kürdəmir sakinləri - 1954-cü il təvəllüdlü Kərimov Hücrət Ağasəlim oğlu, 1993-cü ildə anadan olmuş Şükürov Saleh Taleh oğlu, 1996-cı il doğumlu Qəhrəmanov Elməddin Elşad oğlu, 1997-ci il təvəllüdlü Cəfərov Qabil Habil oğlu, 1986-cı ildə anadan olmuş Mürsəlov Elvin Eynulla oğlu, 1990-cı il doğumlu Şükürov Ruslan Balacan oğlu müxtəlif dərəcəli bədən xəsarətləri aldıqları üçün Şamaxı Mərkəzi Rayon Xəstəxanasına çatdırılıblar.

Yaralıların vəziyyəti ağırdır. Faktla bağlı araşdırma aparılır.