Qubada dəhşətli partlayış olub

Qubada yaşayış evində baş verən partlayış nəticəsində 4 nəfər xəsarət alıb...

Hadisə Amsar kəndində qeydə alınıb.

Kənd sakini İsa Nuriyev qaz balonunu dolduraraq evə gətirib və onu işə salan zaman partlayış baş verib.

Nəticədə özü, həyat yoldaşı İlahə Bayramova və 3 yaşlı əkiz övladları Ömər və Zeynəb yanıq xəsarətləri alaraq Quba rayon Mərkəzi Xəstəxanasına çatdırılıblar.

Azyaşlılara ikinci dərəcəli yanıq diaqnozu qoyulub.

Valideynlərin vəziyyətləri isə ağır olduğundan Bakı şəhərinə göndəriliblər.

Faktla bağlı araşdırma aparılır.

İlkin ehtimala görə, partlayışa qaz balonundakı nasazlıq səbəb olub.