Gəncədə kişi keçmiş arvadını öldürdü

Gəncədə qətl hadisəsi baş verib.

APA TV-nin yerli bürosunun məlumatına görə, hadisə şəhərin Abbas Səhhət adlanan ərazisində, yaşayış binasının qarşısında qeydə alınıb.

Həmin ünvanda 1984-cü il təvəllüdlü Qafar Cavanşir oğlu Amanov keçmiş həyat yoldaşı, 1990-cı il təvəllüdlü Günay Ağamir qızı Amanovanı bıçaqlayıb. Qadın aldığı ağır xəsarətlərdən hadisə yerində ölüb.

Hadisə yerinə hüquq-mühafizə orqanlarının əməkdaşları cəlb olunub. Hadisəni törədən Qafar Amanov polis əməkdaşları tərəfindən saxlanılıb.

Faktla bağlı Gəncə Şəhər prokurorluğunda cinayət işi açılıb, araşdırma aparılır.