Bakıda məşhur plazada yanğın olub

Bakının Yasamal rayonu İsmayıl bəy Qutqaşınlı küçəsində yerləşən “Altes Plaza”nın 8-ci mərtəbəsində yanğın baş verib.

ONA xəbər verir ki, yanğın məişət tullantıları olan eyvanda başlayıb.

Hadisə yerinə 3 yanğınsöndürən texnika və canlı qüvvə cəlb olunub.
Yanğınsöndürənlərin səyi nəticəsində yanğının qarşısı alınıb, alovun evin içərisinə keçməsinə imkan verilməyib.

“Altes Plaza”nın təhlükəsizlik xidmətinin rəisi ONA-ya bildirib ki, yanğın eyvana atılmış siqaret kötüyündən başlayıb.

Hadisə zamanı evdə heç kəs olmayıb.

Faktla bağlı araşdırma aparılır.