Fox TV-də yayımlanan məşhur “Yasak Elma” serialında bloqer Şeyma Subaşıya söz atılıb.
“Qafqazinfo” xəbər verir ki, ekran işinin dünənki buraxılışında baş qəhrəmanlardan olan Şahika (aktrisa Nəsrin Cavadzadə) Leylaya (aktrisa Tuvana Türkay) boşanma mövzusunda məsləhət verib: “Halit (aktyor Talat Bulut) və Yıldız (aktrisa Eda Ece) boşanır. Gələn həftə selfi çəkib sosial şəbəkədə “boşandılar” deyə paylaşa bilərsən”.
Bununla da, layihənin ssenaristləri illər əvvəl Şeyma Subaşının addımını ekrana yansıdıblar. Belə ki, TV 8-in rəhbəri Acun Ilıcalı Zeynep Yılmazla evliykən Ş. Subaşı ilə sevgili olub. Cütlük boşandıqdan sonra Şeyma instaqramda öz fotosunu paylaşaraq “boşandılar” şərhini yazmışdı.
