145-dən artıq delfin özünü sahilə vurub

Yeni Zellandiyada Stüart adalarına 145-dən artıq qrind-delfinlər özlərini sahilə çırpıb. FaktXeber.com-un verdiyi məlumata görə bu barədə Radio New Zealand xəbər verib.

Məlumata görə, onlar aşkar olunana qədər artıq yarısı ölmüş olub. Qalanları inyeksiya ilə öldürülüb.

Ətraf Mühitin Mühafizəsi Nazirliyinin nümayəndəsi Ren Leppens belə qərar almağın çətin olduğunu vurğulayıb: «Sağ qalanların suya yenidən qayıtması ehtimalı çox az idi».

Yeni Zellandiya balinaların və delfinlərin özlərini sahilə vurduğu yerlərdən biridir. Lakin bu günə qədər belə kütləvi intiharın səbəbi öyrənilə bilinməyib.