Oksana Rəsulova kiminlə "sevgili" olacağını açıqladı

Rəqqasə-aktrisa Oksana Rəsulova yeni komediya filmində rol alır.

Muztv.az xəbər verir ki, o, çəkilişlərinə start verilən “Qaragöz” adlı ekran əsəri ilə bağlı MUZ TV Azərbaycan kanalına açıqlama verib:

“Tezliklə “Qaragöz” filmi təqdim olunacaq. Komediya janrındadır. Baş rollarda mən və Elməddin Cəfərovdur. Filmin çox maraqlı ssenarisi var. Rejissor və prodüser Orxan Mərdan, operator Elman Əliyevdir. Peşəkar komanda ilə işləyirik”.

Rəqqasəliyi ilə yanaşı, hazırda aktrisa kimi də sevilən Oksana Rəsulova filmdə hansı rolu canlandırdığını da söyləyib:

“Rolumu çox bəyənirəm. Orada teatr aktrisası rolundayam”.

Bir çox romantik və komediya filmlərində rol alan Oksana bu obrazın ilk dəfə başqa tanınmış xanıma təklif olunduğunu deyib. Həmin şəxsin kimliyini isə rəqqasə-aktrisa özü açıqlayıb.

Aktyor Elməddin Cəfərovla birlikdə “Qaragöz”ü ekranlaşdırdıqlarını ifadə edən gözəl rəqqasə filmdə onunla sevgili olduğunu deyib:

“Elməddin "sevgilim" obrazında olacaq”.