Sürücü YPX inspektorlarına minnətdarlığını bildirdi

Dünən axşam saatlarında səhhətində problem yaranan sürücü YPX inspektorlarından kömək istəyib.



YPX.AZ xəbər verir ki, 12 fevral, saat 19:00 radələrində Qələbə darəsindən üzü Papanin körpüsü istiqamətində hərəkətdə olan sürücünün anidən böyrəyindən sancı tutub. Bu zaman sürücü təcili xəstəxanaya getmək istəyib ancaq yolda tıxac olduğu üçün çətinliklə üz üzə qalıb. Ərazidə 99 YP 453 dövlət qeydiyyat nişanlı ximəti avtomobillə xidmət aparan inspektorlara yaxınlaşan sürücü onlardan kömək istəyib. İnspektorlar sürücüyə kömək etmək məqsədi ilə sayrişan işıqlarını qoşaraq, öndə getməklə ona yol açıb, sürücünün xəstəxanaya lazımı vaxtda çatmasını təmin ediblər.



Sonda İnspektorlara təşəkkür etmək imkanı olmayan sürücü bu halın işıqlandırılmasını və onlara minnətdar olduğunu bildirib.



Oxucumuzun bizə göndərdiyi video və səs yazısını olduğu kimi sizlərə təqdim edirik: