Nəqliyyat vasitələrinin hərəkətinə mane olan sürücü YPX-dən yayına bilmədi

Sosial şəbəkələrdə üç zolaqlı yolun sol zolağı ilə hərəkətdə olan avtomobilin anidən sağdan birinci zolağa keçərək hərəkət istiqamətini dəyişmək istəməsinin yolda təhlükə yaratdığını əks etdirən görüntülər yayılıb.



YPX.AZ xəbər verir ki, Hüseyin Seyidzadə küçəsi ilə hərəkətdə olan “Honda” markalı avtomobilin sürücüsü yolun sağdan birinci zolağı ilə hərəkət edərkən qarşıdaki tunelin girişinə çox az qalmış tormozlanma edir və yolun Abdulvahab Salamzadə küçəsinə olan yol ayrıcına manevr etməyə başlayır. Bu zaman yolda olan digər nəqliyyat vasitələrinin hərəkətinə maneə olur və onları tam dayanmağa məcbur edir.



Sürücünün etdiyi bu kobud qayda pozuntusu həmin yolda xidməti avtomobil ilə xidmət aparan YPX inspektorlarının gözündən yayınmayıb və nəqliyyat vasitəsini saxlatdıraraq məsuliyyətə cəlb ediblər.