Dirəyə çırpılan avtomobil iki yerə bölündü: 1 ölü, 1 yaralı

Türkiyədə dəhşətli yol nəqliyyat hadisəsi baş verib.

YPX.AZ xəbər verir ki, hadisə Türkiyənin Eskişehir bölgəsində olub. Belə ki, hərəkətdə olan 26 EL 787 dövlət qeydiyyat nişanlı avtomobilin sürücüsü idarəetməni itirərək tramvay xəttinin dirəyinə çırpılıb. Çırpılma nəticəsində avtomobil iki hissəyə bölünüb.

Əldə edilən məlumata görə, avtomobildə olan sərnişin hadisə yerində dünyasını dəyişib. Ağır yaralanan sürücü isə Eskişehir dövlət xəstəxanasına yerləşdirilib, həyatı təhlükəsi olduğu bildirilir.

Polis qəza ilə bağlı araşdırmaları başladıb.