Bakıda Shacman qəza törədib, sərnişin xəsarət alıb

Bakının Nəsimi rayonunda yol-nəqliyyat hadisəsi baş verib.

ONA-nın məlumatına görə, Ziya Bünyadov prospektindəki körpünün üzərində metronun "Koroğlu" stansiyası istiqamətində hərəkətdə olan "Shacman" markalı yük avtomobilinin sürücüsü idarəetməni itirib.

"Shacman" eyni istiqamətdə yolun sol zolağı ilə gedən "Chevrolet" markalı minik maşınına çırpılıb. Zərbənin təsirindən minik avtomobili yolayırıcı betona çırpılıb. Hadisə nəticəsində minik maşınında olan sərnişin xəsarət alaraq xəstəxanaya yerləşdirilib.

Faktla əlaqədar hadisə yerinə Yol və Post Patrul Xidmətinin əməkdaşları cəlb edilib.