Vətən sevgisi təsadüfi bir hiss deyil. Bu, illərin, xarakterin, tərbiyənin və igidliyin məhsuludur. Vətənpərvərlik həm də mərdlikdir, elə bir hünər ki, öz komandirinin qisasını almaq üçün müharibənin başlamasını, düşməni məhv edib torpaqlarımızı azad edəcəyi günü səbirsizliklə gözləmək, bu şərəfli yolda şəhid olmaqdır. Bu ucalığa yüksələnlərdən biri də ömür yolu qısa, ancaq şərəfli olan Vətən müharibəsinin 23 yaşlı şəhidi Niyamin Niftalızadədir.
