Azərbaycan, Ermənistan və Rusiya liderlərinin iştirakı ilə üçtərəfli görüş yaxın zamanlarda Moskvada keçiriləcək. Axar.az xəbər verir ki, bu məlumatı “İnterfaks” agentliyi yayıb. Agentlik görüşün yeni il tətillərindən sonra baş tutacağını bildirib. Agentliyin mənbəsi görüş üçün mümkün tarixlərdən birinin 11 yanvar olduğunu da təsdiqləyib. “İnterfaks” hələlik görüşlə bağlı rəsmi təsdiqə sahib olmadığını deyib. Qeyd edək ki, bundan öncə erməni mediası diplomatik mənbələrə istinadla belə bir görüşün 11 yanvarda Moskvada Putinin iştirakı ilə olacağı haqda məlumat yaymışdı. Hətta Daşnaksütyun Partiyasının liderlərindən olan Saqatelyan bu görüşdə Ermənistan üçün “arzulanmaz müqavilə” imzalanacağını da iddia etmişdi.
