Qondarma Dağlıq Qarabağ rejiminin “müdafiə nazirliyi” Qarabağdakı döyüşlər zamanı ölən daha 34 hərbçinin adlarını açıqlayıb. Oxu24.com “Aysor”a istinadən xəbər verir ki, bununla da erməni tərəfinin rəsmən açıqladığı rəqəm 1745-ə çatıb. Hərbçilərin ölüm tarixləri qeyd edilməyib. Xatırladaq ki, daha əvvəl Ermənistanın Səhiyyə naziri Arsen Torosyan 27 sentyabr-9 noyabr tarixlərində Qarabağda hərbi əməliyyatların kəskinləşməsi zamanı 2425 erməni əsgərinin öldüyünü təsdiqləmişdi.
