Ərdoğanın yaxın həftələrdə Azərbaycana səfəri gözlənilir.
Türkiyə Prezidentinin Ramazan bayramından sonra gələcəyi və Azərbaycan Prezidenti ilə Şuşaya gedəcəyi bəlli idi. Dəqiq tarix isə məlum deyil, güman ki, səfərə bir neçə gün qalmış açıqlanacaq.
Ərdoğan Bakıya 15-20 iyun tarixləri arasında da gələ bilər. Türkiyə milli komandası futbol üzrə Avropa çempionatında iki oyununu Bakıda keçirəcək: Türkiyə - Uels (16 iyun); Türkiyə - İsveçrə (20 iyun).
Ərdoğan Bakıda Əliyevlə birlikdə Türkiyə millisinin oyunlarını (ikisindən birini) stadiondan izləyə bilər.
Siyasi mesaj baxımından bunun 20 iyunda – Ermənistanda növbədənkənar parlament seçkiləri günündə olması ehtimalını irəli sürmək mümkündür. Ermənistanın gələcəyi, eləcə də regiondakı proseslərin inkişafı müəyyənləşən zaman Ərdoğanla Əliyevin futbol matçını seyr etməsi xüsusilə maraqlı olar...
Ərdoğan 15-20 iyun tarixləri arasında Azərbaycana səfər edərsə, Ermənistanda seçkilərin keçirildiyi gün Əliyevlə birlikdə Şuşaya da gedə bilər və bu, özündə xüsusi mesajları ehtiva edəcək.
