Bu gün bir qrup şəxs Ermənistanın hakim “Mənim addımım” fraksiyasının deputatı Lüsina Bədəlyanın istefası tələbi ilə onun paytaxt Yerevanda yaşadığı evin qarşısında aksiya keçirib. OXU24.COM yerli KİV-ə istinadən bildirir ki, aksiya zamanı onun anası etirazçıların üzərinə qaynar su atıb və “Buradan tez rədd olun!” deyə qışqırıb. “Xoşbəxtlikdən ardıcıl şəkildə başımıza atılan qaynar su aksiya iştirakçılarının üzünə düşmədi. Bu bir daha haqqı deyənlərə qarşı hansı formada aqressiyanın göstərildiyini nümayiş etdirdi”, – deyə aksiya iştirakçılarından biri özünün “Facebook” səhifəsində yazıb.
