Seneqalın qərbində 100-dən çox balıqçı naməlum xəstəliyə yoluxub. “Report” xəbər verir ki, “Dacar Actu” yerli nəşri bildirib. Xəstəliyin yayılma mərkəzi paytaxt yaxınlığında, Ryufis və Mbur liman şəhərləri arasındakı ərazidir. Xəstələrdə dəri səpmələri müşahidə olunur. Güman edilir ki, naməlum xəstəliyin mənbəyi açıq dənizdədir. Çünki xəstəliyə yalnız Ryufis və Mbur arasında balıq ovu ilə məşğul olan balıqçılar yoluxub.
