Qürurluyam, qalib ordunun fərdiyəm. Biz hər qarış torpaq üçün can alıb, can verirdik. Kult.az xəbər verir ki, bunu Baku TV-yə açıqlamasında Şuşa uğrunda gedən döyüşlərdə şəhid olan Tofiq Oğuzun oğlu, Cəbrayıla bayraq sancanlardan biri kimi tarixə düşən xüsusi təyinatlı hərbçimiz Polad Rzayev deyib. O bildirib ki, Cəbrayıl işğaldan azad ediləndən sonra 10 tank və 200 nəfərdən çox heyətlə hücuma keçən düşmənin mühasirəsinə düşsə də, onları məhv etməyi bacarıb.
