Axtarışa verdiyimiz rus jurnalist Laçın şəhərində!

  • 30.11.2020
  • 4.1K baxış
  • 0

Rayon mərkəzində hələ də mülki adamlar, yaxud məxluqlar(yəqin ki, ermənilər) dolaşır… 44 günlük savaş dövründə Azərbaycan və Türkiyə dövlət və ordularına qarşı ağlasığmaz böhtanlar yağdırmış, erməni ordusu haqda isə olmazın yalanlar söyləmiş Rusiya jurnalisti Semyon Peqov son saatda Laçın rayon mərkəzindən video-görüntü yayıb. KONKRET.az xəbər verir ki, erməni mediasında təqdim edilmiş videodan bəlli olur ki, Laçın şəhərinin keçmişdən -sovet dövründən “poçt” deyilən Şuşa və Qubadlı istiqamətlərindən giriş-çıxış hissəsində əsasən Rusiya hərbi texnikası və iri sərnişin avtobusları hərəkət edir. Avtobuslar əsasən Ermənistan istiqamətinə doğru gedirlər… Şəhərdə hələ də mülki adamlar, (yəqin ki, ermənilər) görünür. S.Peqov isə guya Laçının “statusu”nun hələ dəqiqləşdirilmədiyini söyləyir. “Bilinmir ki, yerli sakinlər- ermənilər Laçında qalacaqlar. Yaxud saat 18:00-dək çıxmalıdırlar”- deyə saxtakar jurnalist çərənləyir… Xatırladaq ki, işğal altındakı torpaqlarımızdakı məlum davranışlarına görə S.Peqov müstəqil(!) Azərbaycan Respublikası Baş Prokurorluğu tərəfindən barəsində cinayət işi qaldırılaraq axtarışa verilib. O isə bu gecə Azərbaycan ordusunun daxil olmalı olduğu Laçında – sərbəst şəkildə Rusiya sülhməramlılarının(?) yanında dolaşır…moderator.az

Nə düşünürsən?