Xəzər telekanalında yayımlanan "Səni axtarıram" verilişində kövrək anlar yaşanıb.
BiG.AZ Sonxeber.az-a istinadən xəbər verir ki, verilişə müraciət Təranə adlı qadın 30 il öncə ölkədən gedən bacısının axtarışına çıxıb.
Belə ki, Türkmənistanda tapılan bacısı bildirib ki, " Mən 1984-cü ildə Türkmənistana gəzməyə gəldim. Burada həyat yoldaşımla tanış oldum. O, mənə evlənmə təklifi etdi. Mən də etriaz etmədim. Biz ailə qurduq. 1985-ci ildə ilk övladımızn qızım dünyaya gəldi. Mən qızımla birlikdə vətənimə getdim. Bir həftə qalıb geri qayıtdım. 1987-ci ildə ikinci qızım dünyaya gəldi. Mən yenə övladlarımı götürüb Bakıya getdim. Azərbaycana sonuncu gedişim isə 1989-cu ildə oldu. Oğlum doğulduqdan sonra mənə 3 uşaqla gedib-gəlmək çətin oldu. 1991-ci ilə qədər ailəmlə yalnız telefon vasitəsi ilə əlaqə saxladım. Sonra telefon nömrələrini də itirdim. Beləliklə, bütün əlaqələrimiz kəsildi. Artıq 30 ildir ki, onların taleyindən xəbərsizəm. Məni axtardıqlarını eşidəndə çox sevindim".
