Havanın temperaturu artdıqca bir sıra problemlər də üzə çıxır. Bunlardan
biri də yuxu ilə bağlıdır. Bəs isti hava şəraitində keyfiyyətli gecə yuxusunu
necə almaq olar?
İlk əvvəl qeyd edim ki, isti havanın insan bədəninə təsirinin bir sıra mənfi
xüsusiyyətləri vardır ki, onların dördünün əsas olduğunu qeyd edə bilərik:
Susuzluq İsti hava zamanı
yetərli miqdarda su içmək ona görə vacibdir ki, sidiyə getmə, tərləmə və nəfəs
yolu ilə itirdiyiniz suyu bərpa edə biləsiniz.
Həddindən artıq isinmə Nəfəsalma və ürək
problemi olan şəxslər üçün bu çox ciddi problem yarada bilər. Onun simptomları
arasında dərinin qıcıqlanması, baş ağrısı və ürəkbulanma da var.
Yorğun düşmək Bu hal bədən su və
ya duz itirdikdə baş verir. Bədəndə zəiflik hiss etmək, əzələ ağrısı da onun simptomlardan
sayılır.
Yüksək temperatur Bədən istiliyi 40
dərəcə və ya daha çox yüksəldikdə bunun simptomları sanki istilikdən əldən düşməyə
bənzəyir. Lakin yüksək istilik zamanı insan huşunu itirə bilər. Eyni zamanda dəri
quruyur və tərləmə dayanır.
Belə halların baş verməsi yuxunun pozulması ilə də nəticələnir. Ona görə
də mütəxəssislər istilərlə mübarizədə bəzi üsulları sınaqdan keçirməyinizi
tövsiyə edirlər.
1. Mürgüləmək olmaz
İsti hava insanları davamlı olaraq yuxulu hiss etdirir. Bu, həmin
havalarda daxili istiliyi tənzimləməyə daha çox enerji sərfi ilə bağlıdır. Lakin
əgər sizin gecə yuxunuz artıq pozulubsa, çalışın gün içində mürgüləməyin. İsti
havada yaxşı yatmaq vacibdir. Ona görə də yatmağı yuxu vaxtınıza saxlayın.
2. Həyat tərzinizi dəyişməyin
İsti hava sizi vərdişlərinizi dəyişməyə sövq edə bilər. Amma belə etməyin.
Çünki bu, yuxu rejiminizi poza bilər. Gündəlik yuxu vaxtınızı və həyat tərzinizi
qorumağa çalışın. Yatmazdan əvvəl gördüyünüz işlərinizi təxirə salmayın.
3. Sərin saxlayın
Ən önəmli məsələlərdən biri yataq otağını gecə mümkün olduğu qədər sərin
saxlamaqdır. Gün ərzində pərdələri və ya kölgəlikləri bağlayın ki, günəş
şüalarının içəri dolmasının qarşısını ala biləsiniz. Bir də çalışın ki,
evinizin günəşli tərəfindəki pəncərələri bağlı saxlayasınız. Bu, sizə isti
havanı evə doldurmağın qarşısını almağa imkan verəcək. Yatağa getməzdən əvvəl
isə evdəki bütün pəncərələri açıq qoyun ki, yelçəkər yaransın.
4. Yataq
Yatağınızı incəldin və pambıq örtükləri saxlayın, çünki onlar təri
hopdurmaq üçün uyğundurlar. Həm də yataq otağınız hər nə qədər isti olsa da,
gecə boyunca bədən istiliyi aşağı düşür və bəzən üşüdüyünüz üçün yuxudan
ayılırsınız.
5. Ventilyator
Hətta lap kiçik ventilyator belə isti havada həssaslıq verə bilər,
xüsusilə nəmişlik varsa. O, bədəninizdəki təri buxarlanmağa sövq edərək və
sizin daxili istiliyinizi tənzimləməyə kömək edir. Əgər ventilyatorunuz
yoxdursa, isti su üçün olan butulkaya buz kimi soyuq məhlul töküb istifadə edə
bilərsiniz. Alternativ olaraq, corablarınızı soyuducuda saxladıqdan sonra geyinə
bilərsiniz. Ayaqlarınızı sərin saxlamaq ümumi bədən və dəri istiliyinizin aşağı
düşməsinə səbəb olacaq.
6. Kifayət qədər su için
Gün ərzində yetərli miqdarda su için. Lakin yatağa getməzdən əvvəl suyun
miqdarını azaldın. Ehtimal ki, yuxudan susuz oyanmaq istəmirsiniz; lakin eyni
zamanda yuxunun şirin vaxtında vanna otağına əlavə "səfər" etmək də
istəməzsiniz.
7. Nəyi içdiyiniz haqda yaxşı düşünün
Yüngül içkilərlə ehtiyatlı olun. Bu içkilərin bir çoxu böyük miqdarda kofein
ehtiva edir ki, bu da mərkəzi sinir sistemini stimullaşdırır və yuxunu qaçırdır.
Yüksək miqdarda alkoqol istifadəsindən də çəkinin. Bir çoxları isti havada daha
çox sosiallaşdıqları üçün alkoqolu da yüksək miqdarda qəbul edirlər. Spirtli
içkilər insanı erkən yatmağa təşviq etsə də, erkən də oyanmağa sövq edir, üstəlik,
ümumilikdə yuxunun keyfiyyətinə də pis təsir edir.
8. Sakit olun
Əgər yuxuya getməkdə çətinlik çəkirsinizsə, yataqdan qalxın və sakitləşdirici
nə isə edin. Kitab oxuyun, nə isə yazın, corablarınızı da qatlaya bilərsiniz.
Bircə əmin olun ki, telefonunuzla oynamırsınız və ya hansısa video oyuna köklənməmisiniz.
Çünki mavi işıq yuxunu qaçırır və hərəkəti stimullaşdırır. Özünüzü yuxulu hiss
etdiyiniz anda yatağa geri dönün.
9. Uşaqları unutmayın
Uşaqlar ümumiyyətlə olduqca rahatdırlar, lakin isti hava şəraitində çox
həssas və rutindirlər. Balacaların yataq rejiminin bir hissəsi olaraq, ilıq
vanna qəbulu məsləhətdir, lakin əmin olun ki, su çox soyuq deyil, çünki bu
zaman bədən öz istiliyini saxlamaq üçün reaksiya verməyə başlayır. Çox vaxt
uşaqlar özlərinə isti və ya soyuq olması haqda sizə dəqiq məlumat verə bilmirlər.
Buna görə də onların istiliyini davamlı ölçmək vacibdir. Termometri uşaq yatarkən
qoyub onun istiliyinin yoxlaya bilərsiniz, və ya əllə uşağın alın, boyun və ya
qarnına toxunmaqla onda isti olub-olmadığını yoxlamaq mümkündür.
10. Öhdəsindən gələ bilərsiniz
Bir çoxları normal fəaliyyətə lazım olan keyfiyyətli yuxunu almaq üçün
7-8 saata ehtiyac duyurlar. Lakin unutmamalı ki, bir gecədə iki dəfə bölünmüş
yuxu ilə hələ də normal fəaliyyət göstərə bilən insan var. Bircə, siz adət
etdiyinizdən fərqli olaraq, bir qədər tez-tez əsnəyə bilərsiniz, vəssalam. Bu
problemin öhdəsindən gəlmək sadəcə sizin əlinizdədir.
Yuxunuz şirin olsun!
Sonda qeyd edim ki, bu video İngiltərənin Lafboro Universitetinin Kliniki
Yuxu Araşdırmaları Bölməsinin professoru Kevin Morqan və Yuxu Konsulluğundan
Lisa Artisin təklifləri nəzərə alınaraq, bbc.com-da dərc edilmiş məsləhətlər əsasında
hazırlanıb.
Mənbə: https://www.bbc.com/azeri/region-49080458
Musiqi: The Shining in Dubai 5:27 Unicorn Heads Sinematik
| Dramatik