Asiya Futbol Konfederasiyası Kubokunun qrup mərhələsində ilk turun “Seres” (Filippin) – “Svayrienq” (Kamboca) matçında əllə vurulan qol hesaba alınıb. 14-cü dəqiqədə “Seres”in müdafiəçisi Coşua Qrommen topu Dieqo Maradona üslubunda tora göndərib. Referi isə mərkəzi göstərib.
Nəticədə hesab 2:0 olub. Baş hakimin yanlış qərarından məyus olan qonaqlar daha 2 top buraxaraq, 0:4 hesabı ilə uduzublar.
Qeyd edək ki, Dieqo Maradona əllə qolu 1986-cı il dünya çempionatının 1/4 final matçında Argentina millisinin üzvü kimi İngiltərənin qapısından keçirib. Baş hakim bu qolu hesaba aldığı görüş isə Argentinanın qələbəsi ilə yekunlaşıb - 2:1.
