Bakının Sabunçu rayonunun Bakıxanov qəsəbəsindəki Fikrət Tağıyev adına 72 nömrəli məktəb-liseyin 7 sinfinə Qarabağ şəhidlərinin adı verilib. Onlardan 4-ü Aprel şəhidlərinin xatirəsini yaşadır.
“Report” həmin siniflərdən reportaj hazırlayıb.
7A sinfinə şəhid Vüqar Süleymanovun, 7B sinfinə şəhid Cabbarxan Hacıağayevin, 7C sinfinə şəhid Raquf Orucovun, 6Ç sinfinə şəhid Rasim Məmmədovun adlarının verilməsinə dair xatirə lövhələri sinif otaqlarının qapıları üzərinə həkk olunub. Adları çəkilən qəhrəmanların hamısı Apreldə şəhidlik zirvəsinə ucalıblar.
Məktəb-liseyin direktoru Fərqanə Abbasova şagirdlərin hərbi-vətənpərvərlik ruhunda tərbiyəsi, şəhidlərimizin xatirəsinin əbədiləşdirilməsi istiqamətində orta təhsil müəssisələrində ardıcıl işlərin aparıldığını bildirib.
