Sosial şəbəkələrdə Yol Patrul Xidməti əməkdaşlarının
sürücülərə tələ quraraq onları cərimə etməsinin iddia edildiyi video görüntü
yayılıb.
YPX.AZ xəbər verir ki, hadisə “Sədərək” Ticarət
Mərkəzinin yanındakı dairədə baş verib. Videonu qeydə alan sürücü iddia edir
ki, yol polisi əməkdaşları xidməti avtomobili ilə dairə boyunca dayanmadan hərəkət
edir, onlara yol verməyən sürücüləri saxlayaraq məsuliyyətə cəlb edirlər.
Görüntülərdən aydın olur ki, iki patrul
avtomobili dairə boyunca durmadan hərəkət edərək sanki qayda pozan sürücü
axtarırlar.
YPX.AZ olaraq mövzu ilə bağlı BDYPİ-nin
İctimaiyyətlə əlaqələr şöbəsinin rəisi Kamran Əliyevlə əlaqə saxladıq. Şöbə rəisi bildirdi ki, məsələ ilə
bağlı artıq araşdırmalar aparılır və nəticəsi yaxın zamanda ictimaiyyətə bildiriləcək.
Həmin
görüntüləri sizlərə təqdim edirik: