Dekabrın 27-də Dövlət Gömrük Komitəsinin sədri Səfər Mehdiyev Xaçmazda vətəndaşları qəbul edib.
“Yeni Sabah” xəbər verir ki, görüşə gələnlərin içərisində şəhid atası da olub. Şəhid atası bir müddət əvvəl gömrük sistemində işdən azad olunmuş digər oğlunun işə bərpa olunmasını istəyib. Səfər Mehdiyev isə yerindəcə onun oğlunun yenidən gömrük sıralarına bərpa olunması barədə göstəriş verib.
Bu an şəhid atası sevincini gizlədə bilməyib və ağlayıb. Səfər Mehdiyev ayağa qalxaraq şəhid atasını qucaqlayıb.
