“Arsenal”ın oyunçusu Məsut Özilə Londonda bıçaqlı hücumun detalları məlum olub.
Motosikletli 2 nəfər ötən gün (iyulda) Özilin avtomobilinə hücum çəkib. Futbolçu dostu Sead Kolaşinasın müdaxiləsindən sonra bıçaqlı şəxslər hadisə yerindən qaçıb. Hadisənin soyğun məqsədilə törədildiyi ehtimal edilirdi.
Türkiyənin Londondakı səfiri Ümid Yalçının açıqlamasına görə, hadisə Kolaşinasın yeni saatı üstündə baş verib. O bildirib ki, şübhəlilər əslində Kolaşinasın saatını ələ keçirməyə çalışıb.
