Türkiyənin
Düzcə vilayətində avtomobilin məktəblilərin üzərinə sürülməsi görüntüləri
təhlükəsizlik kamerası tərəfindən qeydə alınıb. Avtosfer.az xəbər verir ki,
insident ötən gün D-100 magistral yolunun Çilimli rayonu ərazisindən keçən
hissəsində baş verib.
Məlumata
görə, Mustafa G.-nin idarə etdiyi 81 FA 901 qeydiyyat nömrə nişanlı “KİA”
markalı minik avtomobili, əsas yoldan ikinci dərəcəli yola keçid etdiyi zaman
idarəetmədən çıxıb. Bundan sonra sərt manevrlər edərək irəliləyən “KİA”
qarşıdan gələn bir qrup məktəblinin üzərinə hərəkət edib. Üstlərinə avtomobilin
gəldiyini görən məktəblilərdən bir neçəsi cəld tərpənərək özlərini kənara atıblar.
Lakin onlardan ikisi buna macal tapmayıblar, onları avtomobil vurub.
Nəticədə
şagirdlərdən Muhəmmər Enes A., xəsarətlər alaraq, hadisə yerinə gələn
ambulansla Atatürk Dövlət Xəstəxanasına çatdırılıb.
Polis
qəzanın baş vermə səbəblərini araşdırır.
Namiq
Musayev