Xəzərdə itkin düşən balıqçılar xilas edilib.
APA TV-nin Dövlət Sərhəd Xidmətinin (DSX) mətbuat xidmətinə istinadən məlumatına görə, oktyabrın 2-də dənizə çıxan 4 balıqçı ilə 5 gün sonra - oktyabrın 7-də əlaqə kəsilib.
Oktyabrın 8-də DSX-ə məlumat daxil olan kimi sərhəd gözətçi gəmilərinə “axtarış” əmri verilib.
Oktyabrın 9-da itmiş qayığın 3 nəfər heyət üzvü aşkar olunaraq, xilas edilib. Onlara ilkin tibbi yardım göstərilib, isti geyim və qida ilə təmin olunublar.
Xilas edilənlər Neftçala rayonu sakinləri - 1980-ci il təvəllüdlü Babayev Valeh Vidadi oğlu, 1975-ci ildə anadan olmuş Cəfərov Elbrus Yəhya oğlu və 48 yaşlı Əhmədov Aqil Şamil oğludur.
Neftçala sakini olan digər balıqçı - 1976-cı il təvəl¬lüdlü Quliyev Vurğun Akif oğlunun axtarışları davam edir.