Bu günlərdə Bakının Binəqədi rayonunda Qarabağ qaziləri ilə SOCAR-ın Mühafizə İdarəsinin əməkdaşları arasında xoşagəlməz insident yaşanıb. Bununla bağlı sosial şəbəkə istifadəçiləri iki yerə bölünüb: bir tərəf qaziləri müdafiə edir, digər tərəf isə hadisədə onları təqsirləndirir.
APA TV-nin “APAralel” verilişinin növbəti müzakirə mövzusu bu hadisəyə həsr olunub. Verilişin qonaqları Azərbaycan Qarabağ Müharibəsi Əlilləri, Veteranları və Şəhid Ailələri İctimai Birliyinin sədri Mehdi Mehdiyev və SOCAR-ın Təhlükəsizlik İdarəsinin 35 saylı komandasının rəis müavini Elçin Cavadov mövzu ilə bağlı fikirlərini açıqlayıb.
