Azərbaycan 2020-ci ildə Cənubi Koreyaya ixrac missiyası təşkil edə bilər.
APA TV-nin məlumatına görə, bu barədə Azərbaycanda İxracın və İnvestisiyaların Təşviqi Fondunun (Azpromo) prezidenti vəzifələrini icra edən Yusif Abdullayev Bakıda keçirilən Azərbaycan-Koreya biznes forumunda çıxış edərkən bildirib.
Onun sözlərinə görə, Azərbaycandan Koreyaya qida məhsullarının ixracı üçün böyük perspektivlər var.
Forum çərçivəsində Azərbaycanda İxracın və İnvestisiyaların Təşviqi Fondu (Azpromo) və Cənubi Koreya İdxalçılar Assosiasiyası (KOIMA) arasında əməkdaşlığa dair anlaşma memorandumu imzalanıb.
Sənədi Azpromo-nun prezidenti vəzifələrini icra edən Yusif Abdullayev və KOIMA-nın sədri Honq Kvanq-Hi imzalayıblar.
