Gəncədə qətl hadisəsi törədilib. APA TV-nin qərb bürosunun xəbərinə görə, gecə saat 01.00 radələrində şəhərin Dədə Qorqud küçəsində üzərində bıçaq xəsarətləri olan cavan yaşlarında kişi aşkarlanıb. Xəstəxanaya aparılsa da, onun artıq öldüyü məlum olub. Küçədə meyiti tapılan şəxsin 1997-ci il təvəllüdlü Vicay Qabil oğlu Cəmşidzadə olduğu müəyyənləşib. Hadisəni törədənin kimliyi məlum deyil. Faktla bağlı hüquq-mühafizə orqanları tərəfindən araşdırma aparılır.
