Hacıqabulda avtomobil piyadanı vurub. APA TV-nin Mil-Muğan bürosunun məlumatına görə, hadisə avqustun 5-də səhər saatlarında Bakı-Qazax magistralının Hacıqabul rayonu Pirsaat kəndi ərazisindən keçən hissəsində qeydə alınıb.
"VAZ 21099" markalı avtomobil yolu keçmək istəyən Hacıqabul rayonu Nəvahi kənd sakini, 1988-ci il təvəllüdlü Cəfərov Kənan Azadxan oğlunu vurub.
Piyada ağır kəllə-beyin və çoxsaylı sınıqlarla Şirvan şəhər xəstəxanasının reanimasiya şöbəsinə yerləşdirilib.
Faktla bağlı araşdırma aparılır.