Nurməhəmmədov Diasla əlbəyaxa oldu

08.07.2019 | 26 | 0

Döyüşləri qədər qalmaqalları ilə də məşhur olan yüngül çəkidə UFC çempionu Həbib Nurməhəmmədovun adı yenə insidentdə hallanıb.

Xəzərxəbər.az-ın xəbərinə görə, qarışıq növlər üzrə müxtəlif titulların sahibi olan rusiyalı döyüşçü amerikalı həmkarı Neyt Diasla əlbəyaxa olub.

İnsident Las-Veqasdakı UFC 239 Beynəlxalq Döyüş Həftəsi zamanı baş verib. Yarışları izləyən Həbib Diasın onun oturduğu zonaya yaxınlaşmasından sonra amerikalıya etirazını bildirib.

Qarşılığında sərt cavab alan rusiyalı ayağa qalxaraq cavabını yumruqları ilə vermək istəyib.

Ətrafdakı insanların və mühafizəçilərin müdaxiləsi hadisə böyümədən sakitləşdirilib.

Qeyd edək ki, Nurməhəmmədov sentyabrın 7-də Abu-Dabidə Dastin Porye ilə döyüşəcək.

Nə düşünürsən?
Yüklənir...